Ein flott dag for fotball.

I det me går inn i mars månad og våren snik seg på oss med listige røyrsler, kan ein merkja at det gode treningsgrunnlaget me har lagt til bunn i vinter byrjar å slå ut i full ereksjon. Sola står stadig høgare på himmelen og brukar kvar dag litt lenger tid på å leggje Bergen under det mørkjet me kallar natt. Dette er godt nytt for spelesugne ungdomar med adrenalin og våryre hormon som pumpar agresivt rundt i både det store og vesle blodkretsløpet. Med stål i bein og ramar, med hjarta utanpå trøya og med dauden sjølv i blikket stiller me i dag opp på Støletorget klokka halv seks. Ein kvar liten tolvåring med brauten bergenshaldning og syrleg tunge blir mo i knehasane og trer varsamt til sides før me i det heile har sagt eit ord. Ingen tikroning er naudsynt, for han skjønar at desse karane meinar alvor. Med kromma nakke sett Stautland i gong den første kampen. Ein perfekt langpassing treff brystkassa til Helle med eit klask. Ei innsidepassing legg ballen fint til rette for Solsvik som klinar til på direkten. Aldri før har han truffe så godt. Aldri før har han skutt så hardt. Fuglane i næraste tre hiv seg på vingene i ein sunkron røyrsle, latteren blant med- og motspelarar veltar fram og lyden av ein bil som hiv seg på bremsene bekreftar det me alt veit: i dag må Øysten stilla bakenden til disposisjon for knøttenes forlysting.

Vonar me blir ein god gjeng!
Kjem du?