Som ein gullfisk

Kva i all verden skal dette bety, tenkjer du kanskje no! Ja, eg dømer deg ikkje for å gjere deg slike tankar. Men eg lar dette innlegget gå inn i rekkja av referat frå bingen. Det var nemlig i utgongspunktet ein fin dag å spele fotball på no på måndag. Litt regn i lufta, noko som gjer at banen nesten garantert står til vår disposisjon når me stiller friske og fine. Fotball vart det, men eg ynskjer no å bruke resten av referatet til å fortelje ei myte. Og her trengs det naudsynleg ein begrepsforklaring. Ei myte er nemleg ikkje noko som ikkje er sant, slik som mange tenkjer. "Dette er berre ei myte" -seier dei og nappar seg i skjegget. Nei, ei myte er ein djupare form for sanning. Så la no dette liggja til grunn for det som vert sagt.

Det har seg nemleg slik at dersom du puttar ein gullfisk i ei bolle med vatn, så har du allereie satt grensene for kor stor fisken skal verta. Ein gullfisk vert aldri større en størrelsen på bolla. Og for dei som har fulgt litt med i fiskeverdenen, veit dei at gullfiskar faktisk kan verta ganske store. I følge wikipedia.org heiter det at gullfisken er et relativt lite medlem av karpefamilien og når en maksimal lengde på 59 cm og en vekt på 3 kg. Dei som har vore på besøk hos Bjarte Børtveit, han som av og te har vore med på trening, har kanskje sett at gullfisken hans verken er 59 cm eller 3 kg. Dette betyr at Bjarte hindrar Neptun (som fisken heiter) i å utvikle seg til å verta ein større fisk.

De skjønar kanskje kvar eg vil? Etter at temaet har vore oppe fleire gongar må eg no seia at eg er litt lei av at det ikkje skjer noko med FF Skruknøttene. Me stampar rundt i dei same bingane måndag etter måndag. Problemet er at om me ynskjer å vera eit lag med progresjon må me flyttast over i ei større bolle. Eller kanskje faktisk ein damm. Eg ynskjer ikkje vera ein gullfisk på 30 gram, eg vil vera ein gullfisk som har potensial til å nå kiloet og vel så det.

Dette for å setja tankane litt i sving igjen.

-arne